IT ಹುಡುಗನ halfತ್ಮಾ ಕಥೆ
ಇದೇನಪ್ಪ ಟೈಟ್ಲು ಹೀಗೆ ಅಂತ ತಲೆಕೆಡಿಸ್ಕೊಬೇಡಿ, IT fieldಲ್ಲಿ ಇದೆ ತರ ನಾವು ಎಲ್ಲಕ್ಕೂ ತಲೆಕೆಡಿಸಿಕೊಳ್ಳುತ್ತೇವೆ ಕೆಡೆಸಿಕೊಂಡರೆ !? ಎನ್ನುತ್ತೀರೇನು ? ಕೆಡೆಸಿಕೊಂಡರೆ ಕೆಡೆಸಿಕೊಳ್ಳಿ ಏನು ಗೊತ್ತಾಗುವುದಿಲ್ಲ.
ಇನ್ನು ಒಂದು ನಿವೇದನೆ ಅಲ್ಲ ಠರಾವು, ಈ ಅನಾಹುತ ಕಥೆ sorry ಆತ್ಮ ಕಥೆಯಲ್ಲಿ ವ್ಯಕ್ರಾಣ ಗೀಕ್ರಣ ಎಲ್ಲ ತಲೆಕೆಡಿಸ್ಕೊಬ್ಯಾಡಿ, ಯಾಕೆಂದ್ರೆ ಇದು SMS whats App ಕಾಲ. ವ್ಯಕ್ರಾಣ ಅಂದ್ರೆ ಗೋಕರ್ಣಕ್ಕೆ ಹೋಗಿ ಸಂಕ್ರಣ್ಣನ್ನ ಮನೇಲಿ ಸೀಕರ್ಣೆ ತಿನ್ನೋ ಅಷ್ಟು ಸುಲ್ಬ ಅಲ್ಲ. ಸುಮ್ನೆ ಓದ್ಕೊಳಿ.
ಇನ್ನು ಕಥೆ "ಅಂದಾನೊಂದು ಕಾಲದಲ್ಲಿ ನಾನು IT ಕಂಪನಿಲಿ ಕೆಲ್ಸಕ್ಕೆ ಸೇರಿದೆ, ಯಾಕೆ ಸೇರಿದೆ ? ನಾನು ಇಂಜಿನಿಯರಿಂಗ್ ಓದಿದ್ದೆ ಅದ್ಕೆ ಸೇರ್ದೆ. ಇಂಜಿನಿಯರಿಂಗ್ ಯಾಕೆ ಓದಿದೆ ಸೇರ್ಸುದ್ರು ಸೇರ್ಕೊಂಡೆ...ಯಾರು ?? ತಂದೆ ತಾಯಿ ... ಹಾ.. ಇಲ್ಲಿಂದಲೇ ಕಥೆ ಶುರು..."
ನನ್ನ ಇಂದಿನ ಪರಿಸ್ಥಿತಿಯ ಕಾರಣ ಶುರುವಾಗುವುದೇ ಇಲ್ಲಿಂದ..ನಾನು ಸಣ್ಣವನಿದ್ದಾಗ ದಡ್ಡ ಮಾಸ್ತರ ಬಳಿ ಬುದ್ದಿವಂತ ಎನಿಸಿಕೊಂಡಿದ್ದೆ, ಇದೆ ನೋಡಿ ನನ್ನ ಸುದೈವ, ದುರ್ದೈವ, ವಿಧಿ, ದುರ್ವಿಧಿ.. ಯಾಕೆಷ್ಟು ಪದ ಎಂದಿರಾ ಇನ್ಯಾರನ್ನು ತಾನೇ ಹಳಿಯಲಿ ನಾನು. ಚೆನ್ನಾಗಿ ಮಾರ್ಕ್ಸು ತೆಗೆಯುವ ಚಟ ಆಗಾತಾನೆ ಶುರುವಾಗಿತ್ತು ಇದನ್ನು ತಂದೆ ತಾಯಿಯರೊಡನೆ ಇಡೀ ಸಮಾಜವೇ ಪೋಷಿಸಿತು. ಮಾರ್ಕ್ಸ್ ಕಾರ್ಡು ನಮ್ಮ ಜೀವ ನಿಯಂತ್ರಕವಾಯ್ತು, ಸಾಮಾಜಿಕ status ಆಯಿತು ನಮ್ಮನ್ನಳೆಯುವ ಅಳತೆಗೋಲೂ ಆಯಿತು. ಇನ್ನು ಮಾರ್ಕ್ಸ್ ಕಾರ್ಡ್ ಶಾಲೆ ಇಂದ ಇಡಿದು, ಇಂಜಿನಿಯರಿಂಗ್ ತನಕ ಗಳಿಸಿದೆ. ನನ್ನ ಈ ಮಾರ್ಕ್ಸ್ ಮಹಾಪರಾಧಕ್ಕಾಗಿ ಅಲ್ಲ ದುಷ್ಪರಿಣಾಮವಾಗಿ ನನಗು ಕೆಲಸ ಸಿಕ್ಕಿತು. ಎಲ್ಲಿ ಅಲ್ಲಿ "ಎಂ.ಏನ್. ಸೀ.." ಅಲ್ಲಿಂದ ದಡ್ಡನಂತೆ ಒಂದು IT ಪ್ರಾಣಿಯಾದೆ.
ಆಫೀಸ್ನಲ್ಲಿ ಆಫೀಸ್ ಪ್ರಾಣಿ, ಮನೇಲಿ ಗಂಡ ಪ್ರಾಣಿ, ಅಣ್ಣ ಪ್ರಾಣಿ, ಮಗ ಪ್ರಾಣಿ, ಬಸ್ಸಿನಲ್ಲಿ ಪ್ಯಾಸೆಂಜರ್ ಪ್ರಾಣಿ, Qಗಳಲ್ಲಿ Q ಪ್ರಾಣಿ.... ಇದು ನನ್ನ ಪ್ರಸ್ತಾವನೆ. ಒಟ್ಟಿನಲ್ಲಿ ನಾನೊಬ್ಬ ನರಪ್ರಾಣಿ ಎಂದು ಯಾರಿಗೂ ಅನ್ನಿಸಿಲ್ಲ.
ಆಫೀಸ್ನಲ್ಲಿ ನನಗೆ ಬಹಳ ಸಿಟ್ಟು, ಆಗ ಏನು ಮಾಡುತ್ತೇನೆಂದರೆ.... ಅದನ್ನು ಮನೆಗೆ ತರುತ್ತೇನೆ... ಮನೆಯಲ್ಲೂ ನನ್ನ ಸಿಟ್ಟು ನೆತ್ತಿಗೇರಿತಂದರೆ .. ಏರಿದರೆ... ಯಾರು ಕ್ಯಾರೇ ಅನ್ನುವರಿಲ್ಲ ? ಇದಕ್ಕೆಲ್ಲ ಒಂದು ಪರಿಹಾರ ಹುಡುಕಿಕೊಂಡಿದ್ದೇನೆ ಅದೇನೆಂದರೆ ಸಿಟ್ಟನ್ನು ನುಂಗಿಕೊಳ್ಳುವುದು !
ಹೌದು ನುಂಗಿಕೊಳ್ಳುವುದು , ಇದನ್ನು ಬಹಳದಿಸಗಳಿಂದ ಅಭ್ಯಾಸ ಮಾಡಿದ್ದೇನೆ, ಈ ಸಿಟ್ಟೇ ಎಷ್ಟೋ ಬಾರಿ ನನ್ನ ಹೊಟ್ಟೆಗೆ ಹಿಟ್ಟಾಗುತ್ತದೆ ಕೆಲವು ಬಾರಿ ಕಣ್ಣೀರು ಜೊತೆಗೆ ಸೇರಿ ಬೇಗನೆ ಪಚನವಾಗುತ್ತದೆ ಸಿಟ್ಟು.
ಈಗ ಅರ್ಧದಾರಿ ಕ್ರಮಿಸಿಯಾಗಿದೆ, ಏನು ಮಾಡುವುದೆಂದು ಗೊತ್ತಿಲ್ಲ ಗೊತ್ತಾದಾಗ ಇನ್ನು halfತ್ಮಾ ಹೊರಗೆಬರುತ್ತಾನೆ.
ಅಲ್ಲಿಯವರೆಗೂ ಸ್ವಲ್ಪ whatsapp, facebookಗಳನ್ನೂ ಚೆಕ್ ಮಾಡ್ತಿರಿ.
